Aýyz sý sapasy nege tómen

NUR-SULTAN. QazAqparat – Aýyldyq jerlerdegi 6,2 shaqyrym sý qubyryn aýystyrý qajet. Bul týraly QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Densaýlyq saqtaý mınıstrliginiń aqparatyna sáıkes, osy jyldyń birinshi jartyjyldyǵynda respýblıkada sý qubyry sýynan alynǵan 12 451 synamaǵa sanıtarlyq-hımııalyq kórsetkishteri boıynsha zertteý júrgizildi. Onyń ishinde 634 synama nemese 5,1 paıyzy normatıvtik talaptarǵa saı kelmeıdi. Qubyr arqyly beriletin sý sapasynyń tómen bolý sebepteriniń biri mamandandyrylǵan paıdalanýy uıymnyń joqtyǵynan sý qubyrlary júıesiniń tozýy bolyp otyr. Ulttyq statıstıka bıýrosynyń dereginshe, aýyldyq eldi mekenderdegi sý qubyry jelisiniń jalpy usyndyǵy 40,7 shaqyrymdy quraıdy. Onyń ishinde 6,2 shaqyrymy aýystyrýdy talap etedi», - dedi ol Májilistegi dóńgelek ústel barysynda.

Onyń aıtýynsha, elimizde qoldanystaǵy sý qubyrlarynyń jelisi osydan 25-40 jyl buryn quryshtan jáne shoıyn qubyrlardan jasalǵan. Al olar tottanýǵa beıim, ári tez tozyp, aýyz sý sapasyn tómendetedi.

«Osyǵan oraı halyqqa jaıly ómir súrýge jaǵdaı jaqsaý maqsatynda sý qubyrlary jelisin aýqymdy jańǵyrtý jáne jańartý qajet», - dedi Qaıyrbek Óskenbaev.