Aýyz bekitken adam koronavırýsqa qarsy vaktsına saldyra ala ma

ALMATY. QazAqparat - Almaty qalasy óńirlik kommýnıkatsııalar qyzmeti alańynda ótken onlaın brıfıngide qalanyń bas ımamy Erkinbek Shoqaı vaktsına alý máselesine toqtaldy, dep habarlaıdy QazAqparat tilshisi.

Onyń aıtýynsha, eger zat (suıyqtyq) adam aǵzasyna aýyz nemese murynmen asqazan-ishek joldary arqyly túsetin bolsa, oraza buzylady. Al vaktsına ınektsııa jolymen engende oraza buzylmaıdy.

«Qazir koronavıýrs tek bizdiń elge ǵana emes, kúlli álemge qaýip tóndirýde. Ǵalymdar men medıtsına qyzmetkerleri odan qutylýdyń jolyn izdestirip jatyr. Dárigerler qazir bul indetten qutylýdyń birden-bir joly retinde ekpe salýdy usynyp otyr. Ózim dárigerlerge senemin. Sondyqtan jappaı vaktsına alǵanymyz durys. Ekpeniń sharıǵatqa eshqandaı qaıshylǵy joq»,-dedi qalanyń bas ımamy.

E. Shoqaı dárýmenge jatpaıtyn, tek emdeý maqsatynda qoldanylatyn ınektsııalarǵa ruqsat berilgenin aıtty.

«Vaktsınalaý ınfektsııalyq aýrýlardyń aldyn alady jáne adamnyń ımmýnıtetin kóteredi. Vaktsına dárýmen emes. Sol sebepti ekpe teriniń astyna, bulshyq etke nemese qan arqyly engizilse, oraza buzylmaıdy», - dedi Almaty meshitiniń bas ımamy.

Sondaı-aq brıfıng barysynda PTR testten ótý orazany buzbaıtyny da aıtyldy. Imamnyń aıtýynsha, tek ishke tamaq, ne sý qabyldaǵanda ǵana buzylady.