Aýyr júk kóligi ıelerinen para alyp kelgen ınspektorlar sotqa tartyldy
«Nur-Sultan qalasynyń Sybaılas jemqorlyqqa qarsy is-qımyl agenttigi ótken aptada qalalyq kóliktik baqylaý ınspektsııasynyń laýazymdy tulǵalaryna qatysty sotqa deıingi tergeý amaldaryn aıaqtady. Tergeý nusqasyna saı, olar jalpy «qamqorlyq» jasap, iri gabarıtti kólikterdiń Nur-Sultan qalasynyń aýmaǵynda kedergisiz júrip-turýyna kómek bergeni úshin júıeli túrde para (bir kólik úshin aıyna - 50 myń teńge) alyp kelgen», - dedi QR Sybaılas jemqorlyqqa qarsy is-qımyl agenttigi birinshi departamentiniń aǵa tergeýshisi Danııar Bıgaıdarov vedomstvoda ótken baspasóz máslıhatynda.
Agenttik ókiliniń aıtýynsha, kóliktik baqylaý salasyndaǵy jemqorlyq faktilerine sońǵy eki jylda tereń taldaý júrgizilgen. Jemqorlyqpen kúresýshiler bul salada kóbinese kólik quraldaryn arnaıy ruqsatsyz jibermeý jáne ákimshilik jaýapkershilikke tartpaý sebep bolatynyn aıtady.