Aýyr salmaqtaǵy eks-chempıon Golovkındi úzdik P4P-boksshysy dep atady

ASTANA. QazAqparat - IBF tujyrymy boıynsha birinshi aýyr salmaqtaǵy burynǵy álem chempıony Glenn Makkrorı (30-8-1, 12 KO) qazaqstandyq Gennadıı Golovkın (37-0, 33 KO) týraly pikirimen bólisti, dep habarlaıdy Sports.kz.

«Qazir eń úzdik P4P-boksshysy kim? Árıne, GGG. Ol burynǵysha eń úzdik bylǵary qolǵap sheberi jáne ol «Kanelony» jeńedi», - dep jazdy Makkrorı Tvıtterde.

Aıta keteıik, Golovkın-Alvares jekpe-jegi 16 qyrkúıekte AQSh-tyń Las-Vegas qalasynda ótedi. Qazirdiń ózinde barlyq bıletter satylyp ketken. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańerteń kórsetiledi.