Aýyr naýqastarmen jumys isteıtin 8 klınıka ottegi júıesimen qamtamasyz etiledi – Saǵyntaev

ALMATY. QazAqparat - Aýyr jaǵdaıdaǵy naýqastarmen jumys isteıtin birinshi eshelonnyń 8 klınıka ottegi berý júıesimen qamtamasyz etiledi. Bul týraly «Almaty» telearnasynyń Akimat Live baǵdarlamasynda qala ákimi Baqytjan Saǵyntaev málimdedi, dep habarlaıdy QazAqparat tilshisi.

Sapaly emge áser etetin faktorlardyń biri – naýqastardy medıtsınalyq ottegimen qamtamasyz etý. Osyǵan baılanysty bul máseleni júıeli túrde sheshý úshin medıtsınalyq uıymdarǵa ottegi stantsııalaryn ornatý boıynsha qalalyq baǵdarlama qabyldandy.

Osynyń arqasynda birinshi eshelondaǵy jatyn oryndar 100% ottegimen qamtylady.

«Eger klınıkalarda qajetti kólemde jumysty qamtamasyz ete alatyn óz ottegi stantsııasy bolsa, onda ol júıeni retteý kerek. Ol úshin qarjy da bólindi. 10 qyrkúıekke deıin aýyr jaǵdaıdaǵy naýqastarmen jumys isteıtin birinshi eshelondaǵy 8 klınıka ortalyqtandyrylǵan ottegi júıesiniń statsıonarlarymen qamtamasyz etiledi. Ekinshi kezeńde biz ekinshi eshelondaǵy klınıkalardy ottegimen qamtamasyz etýge kóshemiz, sol arqyly bul máseleni sheshemiz», - dedi ákim.