Aýyr atletıkadan Azııa chempıonatynda Nadejda Lı kúmis júldeger boldy

NUR-SULTAN. QazAqparat - Qazaqstandyq Nadejda Lı aýyr atletıkadan jasóspirimder arasyndaǵy Azııa chempıonatynda kúmis medal aldy, dep habarlaıdy QazAqparat tilshisi.

Bul jóninde Qazaqstan aýyr atletıka federatsııasy málim etti.

Ol 17 jasqa deıingi jasóspirimder arsynda 64 keli salmaqta synǵa tústi. Qossaıystyń qorytyndysymen ol 184 (100+84) kelini baǵyndyrdy.

Eske salsaq, budan buryn el quramasynan Edige Emberdi (73 keli) pen Álisher Baıbýrov (67 keli), Denıs Polýboıarınov (81 keli) altyn aldy.

Sondaı-aq, Arýjan Dáýletova (71 keli), Alekseı Chýrkın (73 keli) kúmis medalǵa qol jetkizdi.

Al Erasyl Omarov (55 keli) pen Azamat Tólgen (61 keli) qola júldeger atandy.

Aıta ketsek, qurlyqtyq doda Ózbekstan astanasy Tashkent qalasynda ótip jatyr.

Onda 13-17, 15-20 jas aralyǵynda júldeler sarapqa salynady. Sondyqtan keıbir sportshylar ekeýinde de synǵa túsedi.

Qurlyqtyq dodaǵa uldardan 13, qyzdardan 9 aýyr atlet bardy. Azııa chempıonaty 25 shildede máresine jetedi.

Foto: instagram.com/wf_rk