Aýyr atletıkadan ÁCh: Qazaqstan jalpykomandalyq 1-oryn aldy

ASTANA. QazAqparat – Albanııada ótken aýyr atletıkadan jasóspirimder arasyndaǵy álem chempıonatynda qazaqstandyq sportshylar 7 altyn, 2 kúmis jáne 1 qola medal jeńip aldy. Týrnır qorytyndysy jóninde Mádenıet jáne sport mınıstri Ashat Oralov málim etti, dep habarlaıdy QazAqparat.

Qazaqstan quramasy medaldardyń jalpy sany boıynsha komandalyq 1-orynǵa ıe boldy.

Atap aıtsaq, altyn medaldardy 73 kelige deıingi salmaqta Erasyl Sáýlebekov pen 102 kelige deıingi salmaqta Nıkıta Ábdirahmanov jeńip aldy.

Nurdos Sabyr (89 kelige deıin) men Taısııa Alekseeva (64 kelige deıin) kúmis júldeger atandy.

«Sportshylarymyzdy jáne barlyq qazaqstandyq jankúıerlerdi osynaý jetistikpen quttyqtaımyn. Bizdiń jas aýyr atletterge bolashaqta da tolaǵaı tabystar men jarqyn jeńister tileımin. Jattyqtyrýshylarǵa da erekshe alǵys aıtamyn. Sebebi olardyń eńbeginiń arqasynda otandyq aýyr atletıka mektebi Qazaqstandy jańa chempıondardyń esimimen álemge tanytyp jatyr», - dep jazdy mınıstr.

Eske salaıyq, jasóspirimder arasyndaǵy álem chempıonaty 25 naýryz - 1 sáýiralyǵynda Albanııanyń Dýrres qalasynda ótti.