Aýyr atletıka: Alekseı Chýrkın qola júlde aldy

ASTANA. QazAqparat – Ońtústik Koreıanyń Chındjý qalasynda ótip jatqan aýyr atletıkadan Azııa chempıonatynda qazaqstandyq Alekseı Chýrkın (73 keli) qola júlde aldy, dep habarlaıdy QazAqparat tilshisi.

Qazaqstandyq sportshy julqa kóterýde senimdi oıyn kórsetti. Alǵashqy saıysynda 146 kelini tóbesine kóterse, atalǵan básekeni ol 154 keli nátıjemen aıaqtady. Bul nátıje oǵan kishi kúmis júldege qol sozýǵa múmkindik berdi.

Al, serpýde ol ekinshi jattyǵýda 186 kelini baǵyndyrdy. Odan keıin eki márte 191 keli salmaqqa tapsyrys bergen edi. Alaıda, ony baǵyndyra alǵan joq. Bul salmaqty eńsergende Azııa chempıony atanatyn edi.

Nátıjesinde qossaıys qortyndysymen enshisine 340 kelini jazdy. Osylaısha, Azııa chempıonatynyń qola júldegeri atandy.

Endi 9 mamyrda el quramasynan Elaman Seıitqazy (81 keli) jarys jolyna shyǵady.