Aýyr atlet Vladımır Sedovtyń ólimine qatysty qylmystyq is qozǵaldy
11:30, 27 Maýsym 2023
TALDYQORǴAN. QazAqparat - Aýyr atlet Vladımır Sedovtyń ólimine qatysty qylmystyq is qozǵaldy, dep habarlaıdy QazAqparat tilshisi.
«35 jastaǵy aýyr atlettiń denesi ózi turatyn mekenjaıy Qaratal aýdanyndaǵy Dostyq aýylynan tabyldy. Denesinen zorlyq-zombylyq belgileri anyqtalǵan joq. Marqumnyń týystarynyń bergen túsiniktemesine sáıkes, er azamat óz-ózine qol jumsaǵan. Qazir osy sýıtsıd faktisine oraı qylmystyq is qozǵaldy», - delingen Jetisý oblystyq polıtsııa departamenti baspasóz qyzmetiniń habarlamasynda.
Qazir tergeý QR Qylmystyq kodeksiniń 105-baby, ıaǵnı óz-ózine qol jumsaýǵa jetkizý faktisi boıynsha júrip jatyr.
Eske sala keteıik, qazaqstandyq aýyr atlet Vladımır Sedovtyń 35 jasynda dúnıeden ótkenin habarlaǵan boltynbyz.