«Aýylym – altyn tuǵyrym» ádebı baıqaýynyń jeńimpazdary anyqtaldy

NUR-SULTAN. QazAqparat – Elordada «Aýylym – altyn tuǵyrym» atty respýblıkalyq ádebı baıqaý qorytyndylandy, dep habarlaıdy QazAqparat tilshisi.

Respýblıkalyq baıqaý onlaın formatta ótti jáne oǵan elimizdiń ár óńirinen 100-den astam qalamger qatysty.

Osymen besinshi jyl ótken ádebı saıys poezııa, proza jáne dramatýrgııa janry boıynsha uıymdastyryldy.

Odan bólek, «Balalarǵa arnalǵan eń úzdik ádebı shyǵarma» nomınatsııasy bar.

«Kelip túsken shyǵarmalardyń arqaýy – aýyl. Aýyldyń tirshiligi, aýyldaǵy aǵaıyndardyń ómiri qalamgerlerdiń eńbekterinen kórinis tapty. Osyǵan deıin qatysqan avtorlardyń shyǵarmalary 12 tomdyq jınaq bolyp shyqty. Biz olardyń aýyldyq jáne aýdandyq kitaphanalarǵa tegin taratyp kelemiz. Baıqaýǵa qatysamyn deýshilerge shek qoımadyq, onyń ishinde kásibı ádebıetshiler de, qalam ustaýshy áýesqoılar da bar. Tek jas ereksheligi boıynsha shekteý qoıyldy. ıAǵnı qatysýshynyń jasy 45-ten aspaýy tıis. Ondaǵy sebep halyq arasyndaǵy jas aqyn, jazýshylardy qoldaý jáne olardy aýyl taqyrybyna qaraı burý. Nege aýyl? Sebebi bizdiń negizimiz, tilimiz, mádenıetimiz aýylda. Maqsat – aýyl jáne onda tirshilik etip jatqan halyqtyń ómirin dáripteý», - dedi «Aýyl» partııasynyń tóraǵasy, QR Parlamenti Senatynyń depýtaty Álı Bektaev.

Aıta keteıik, shyǵarmashylyq baıqaý «Aýyl» partııasynyń uıytqy bolýymen ótip otyr jáne qatysýshylardyń eńbegi jınaq bolyp shyǵady.

Uıymdastyrýshylar málim etkendeı, ár janr boıynsha úzdik dep tanylǵan 1 oryn ıesine 500 000 teńge, 2 oryn ıesine 300 000 teńge jáne 3 oryndy ıelengen jeńimpazǵa 200 000 teńge kóleminde syıaqy tabys etildi.

Sondaı-aq, arnaıy júlde ıelerine 100 000 teńge syıaqy berildi.

«Aýylym – altyn tuǵyrym» ádebı baıqaýynyń jeńimpazdary:

Bas júlde - Esbolat Aıdabosynov (Sońǵy namaz)

Poezııa:

1 oryn - Arqalyq Ámálııat;

2 oryn - Umtyl Zaqan;

3 oryn - Jarqyn Juparhan;

Qasym Amanjolov atyndaǵy arnaıy júlde - Jumataı Kóksýbaı.

Proza:

1 oryn - Esbolat Aıdabosynov;

2 oryn - Aızat Raqysheva;

3 oryn - Jantas Erkin;

Ábish Kekilbaev atyndaǵy arnaıy júlde - Qanat Ábilqaıyr.

Dramatýrgııa:

1 oryn - Yqylas Shalǵynbaı;

2 oryn - Áskerhan Hýanbaı;

3 oryn - Aqylbek Shaıahmet;

Qalıhan Ysqaq atyndaǵy arnaıy júlde - Sádir Nurlan.

Sondaı-aq, «Balalarǵa arnalǵan eń úzdik ádebı shyǵarma» nomınatsııasy boıynsha Aslan Tilegenov úzdik atandy.