Aýylsharýashylyq mamandary úshin mobıldik qosymsha jasalady

ASTANA. QazAqparat - «Qazagro» Ulttyq basqarýshy holdıngi» AQ aýylsharýashylyq mamandary úshin mobıldik qosymsha jasap shyǵarmaq. Bul týraly Astanada «Tehnıkalyq qaıta jaraqtandyrý - AÓK damytýdyń negizi» taqyrybynda ótken dóńgelek ústel otyrysynda «Qazagronyń» Basqarma tóraǵasynyń orynbasary Aıgúl Muhamadıeva aıtty, dep habarlaıdy «QazAqparat» HAA tilshisi.

Eske sala ketsek, buǵan deıin Aıgúl Muhamadıeva aýyl sharýashylyǵy salasynda nesıe, lızıng nemese kepildikti onlaın túrde kazagro.kz portalynan qalaı alýǵa bolatynyn egjeı-tegjeıli túsindirip bergen bolatyn.

«Bul júıe (kazagro.kz portaly arqyly nesıege, lızıngke ótinim berý - avt.) qazirgi tańda jumys istep tur. ıAǵnı, portalǵa kirip qazirdiń ózinde ótinim bere berýge bolady. Biraq, fermerler úshin qujat jınaý degen óte úlken másele bar. Biz qazirgi ýaqytta osy júıeni egov.kz  sekildi memlekettik júıelermen ıntegratsııalaýdy kózdep otyrmyz. ıAǵnı, búgingi tańda elimizde avtomattandyrylǵan barlyq qujattar týraly málimetti avtomatty túrde alýǵa kúsh saldyq. Bul qadam - fermerlerdiń ártúrli ınstantsııalarǵa baryp, qujat jınaý mashaqatynan qutylýǵa jol ashady. ıAǵnı, júıe barlyq qujatty ózi-aq jınap alady», - deıdi Aıgúl Muhamadıeva.
 

Holdıng ókiliniń aıtýynsha, búgingi kúni nesıe men lızıngti berip otyrǵan  jeke qarjylyq ınstıtýttar, nesıelik seriktestikter, mıkroqarjylyq uıymdar men ekinshi deńgeıli bankter osy júıege qosylatyn bolady. Onymen qosa, sharýalar úshin mobıldik qosymsha ázirlenbek.

«Álbette, óte yńǵaıly bolý úshin bárimiz smartfondardy qoldanyp júrgendikten, atalǵan júıeni mobıldik qosymsha etip shyǵarýdy qolǵa aldyq. Ol jýyq arada iske qosylady», - dedi ol.