Aýyldyq jerlerde medıtsınalyq qyzmetterdiń qoljetimsizdigi anyq baıqalady – bas dáriger

PETROPAVL. QazAqparat – Soltústik Qazaqstan oblysynda 300-ge jýyq medıtsınalyq maman jetispeıdi. Oblystyq kópsalaly balalar aýrýhanasynyń bas dárigeri Nurlan Aımanovtyń pikirinshe, Prezıdent Qasym-Jomart Toqaevtyń búgingi Joldaýy tıisinshe júzege asqan jaǵdaıda osy jáne medıtsınadaǵy basqa da máseleler 2-3 jyldyń ishinde ózektiligin joımaq, dep habarlaıdy QazAqparat tilshisi.

SQO kópsalaly balalar aýrýhanasynyń bas dárigeri Nurlan Aımanovtyń aıtýynsha, Prezıdent Q.Toqaevtyń halyqqa arnaǵan Joldaýyn olar búgin ujym bolyp tyńdaǵan. Densaýlyq salasyna bul joly da basa nazar aýdaryldy.

«Eń aldymen Memleket basshysy medıtsınadaǵy máselelerdi tizbektep ótti. Ol – mindetti áleýmettik medıtsınalyq saqtandyrý, sonyń ishinde paketterdi bólýge, qarjylandyrýdyń jetkiliksizdigine qatysty. Salymshylar aı saıyn medıtsınalyq saqtandyrýdy tóleıdi, biraq keı másele sol kúıi qalyp otyr. Keı medıtsınalyq qyzmetterdiń qoljetimsizdigi ásirese aýyldyq jerlerde anyq baıqalady. Bizge osy olqylyqtardy joıý úshin Prezıdenttiń Úkimetke qordyń jumysyn qaıta qaraýǵa tapsyrma bergeni unady. Bıylǵy Joldaýdyń ekinshi unaǵan jeri – kelesi jyldan bastap aýyldyq medıtsınany damytýǵa ekpin berilmek. Qazirgi ýaqytta eldi mekenderde medıtsınalyq nysandar jáne kadrlar da jetispeıdi. Qajetti qondyrǵylar da joqtyń qasy. Alda 600-den astam medıtsınalyq jáne feldsherlik-akýsherlik pýnktter salynbaq. Árıne, olardyń barlyǵy zamanaýı qondyrǵylarmen qamtylady. Medıtsınalyq kadrlar jetispeýshiligi problemasy rezıdentýraǵa túsetinderdiń sanyn 70 % ulǵaıtý arqyly sheshilmek. Eger medıtsınalyq joǵary oqý oryndary Memleket basshysynyń tapsyrmasyna saı kelesi jyldan bastap rezıdentýra sanyn arttyratyn bolsa, aldaǵy 2-3 jylda tar aýqymdy mamandarǵa qajettilik joıylady», - deıdi Nurlan Aımanov.

SQO-da qazirgi ýaqytta maman jetispeýshiligi máselesi ótkir tur, 300-ge jýyq medıtsına qyzmetkeri kerek.

Bas dárigerdiń aıtýynsha, oblystyq kópsalaly balalar aýrýhanasyna ǵana 29 maman qajet. Bıyl mekeme qyrkúıek aıynyń sońyna deıin 14 dárigerdi qabyldamaq.

Onyń barlyǵy - belgili bir salanyń mamandary.

«Joldaýdyń mazmunyna kóńilim toldy. Endi ony Úkimet mınıstrliktermen jáne jergilikti atqarýshy organdarmen, sondaı-aq barlyq sala mamandarymen júzege asyratyn bolsa, onda medıtsına shyn máninde alǵa qadam basady. Ol úshin bizdiń tarapymyzdan ne kerek, eń aldymen adamshylyq qarym-qatynas, biliktilik qajet. Jalpy qazirgi máselelerdiń barlyǵy qarjylandyrý saıasaty durys bolǵanda sheshilmek. Qazir elimizdegi barlyq emdeý mekemeleri mindetti medıtsınalyq saqtandyrý qorynan qarjylandyrylǵandyq olar kúnderin ázer kórip otyr. Óıtkeni qor monıtorıng jáne aýdıt júrgizý arqyly emdelgenderdi naqtylap baryp qana bıýdjet bóledi. Bul qarjynyń 80 % - eńbekaqyny tóleýge ketedi, óıtkeni medıtsına qyzmetkerleriniń eńbekaqysy sońǵy eki jylda shamamen 50 % ulǵaıtyldy jáne jańa jylda 30 dáriger men 20 medbıbige qaıta ósiremiz. Qalǵan 20 % kommýnaldyq aqyny jáne taýarlar men qyzmetterdi tóleýge, kelisimsharttyq mindettemelerdi oryndaýǵa jumsalady. ıAǵnı osydan-aq medıtsınalyq mekemeni damytý týraly aıtyp ta qajet emes. Sondyqtan qazirgi jaǵdaıdy ózgertken jaǵdaıda ǵana bizdiń syrqattarymyz oń ózgeristerdi kóre alady», - deıdi Nurlan Aımanov.