Aýyldyq jáne qalalyq ÚEU-larǵa tıisti jaǵdaı jasaý qajet -Nyǵmatýlın
Aýyldaǵy úkimettik emes uıymdar men iri qalalardaǵy uıymdar deńgeıiniń aıyrmashylyǵy bar ekenine basa kóńil bólgen N. Nyǵmatýlın, arnaıy konkýrstarda aýyldaǵy úkimettik emes uıymdardyń grantty da, memlekettik áleýmettik tapsyrysty da jeńip alýy qıyn ekenin atap ótti.
«Shynynda da áleýmettik standarttar daıyndalǵan kezde mindetti túrde aýyldyń jaǵdaıyn eskerý kerek. Sebebi aýyldyń da, qalanyń da óz ereksheligi bar. Sondyqtan standarttardy engizgende osy erekshelikterge qaraı tıisti jaǵdaı jasaý qajet. Osyndaı zań jobasyn qaraǵan kezde, ony umytpaý kerek», - dedi Májilis Tóraǵasy.
Búgingi Májilistiń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine kommertsııalyq emes uıymdardyń qyzmeti máseleleri boıynsha ózgerister men tolyqtyrýlar engizý týraly» zań jobasyn talqylap, birinshi oqylymda maquldady. Bul zań jobasynyń maqsaty memlekettik áleýmettik tapsyrysty iske asyrýdyń tıimdiligi men ashyqtyǵyn arttyrý arqyly memlekettik áleýmettik tapsyrys salasyndaǵy zańnamany jetildirý bolyp tabylady.