Aýyldarǵa poshtany jedel jetkizý úshin drondar paıdalanylýy múmkin

ASTANA. QazAqparat - Shalǵaıdaǵy aýyldarǵa gazetterdi jedel jetkizý úshin drondar paıdalanylýy múmkin. Bul týraly búgin Ortalyq kommýnıkatsııalar qyzmetindegi brıfıngte «Qazposhta» AQ basqarma tóraǵasy Baǵdat Mýsın málim etti.

Gazetter men jýrnaldardy aýyldyq shalǵaı jerlerge jetkizý máselesine toqtalǵan ol: «Bul baǵytta tıisti jumystar atqarylyp jatyr. 2014 jyly gazetterdi jetkizý máselesine taldaý jasadyq. Shalǵaıda ornalasqan aýyldarǵa gazetter eń uzaq degende segizinshi kúni jetkiziletin. Qazir bul merzimdi qysqartý turǵysyndaǵy jumystardyń barysynda úshinshi kúnge jetkizip jatyrmyz. ıAǵnı, segiz kúnnen úshinshi kúnge jettik»,- dedi B.Mýsın.

Osy oraıda ol munymen toqtalmaı, endi basylymdardy jetkizýdi 2-1 kúnge deıin azaıtý baǵytynda sharalar zerdelenýde ekenin jetkizdi. Alaıda bul turǵyda kóliktik jáne basqa shyǵyndar artýy múmkin.

«Keńesshilerdiń málimetine súıensek, qazir barsha álemde ushqyshsyz áýe apparattaryn, ıaǵnı shaǵyn ushaqtar sekildi drondarmen gazetterdi tasymaldaý zerttelip jatyr. Biz de osy jobany talqylaımyz jáne qanatqaqty joba retinde engizip kóremiz. Nátıje bolsa, shalǵaıdaǵy aýyldarǵa gazetterdi barynsha jedel jetkizýge qol jetkiziledi», - dep túıdi basqarma tóraǵasy.