Aýyldardyń, mono jáne shaǵyn qalalardyń ınfraqurylymy qalaı damyp jatyr
Aıta keteıik, elimizde óńirler arasyndaǵy aıyrmashylyqty qysqartý úshin «Qýatty óńirler – el damýynyń draıveri» atty ulttyq joba iske asyrylýda.
«Jobada Ulttyq ekonomıka mınıstrligi mynadaı sharalarǵa jaýapty bolyp bekitildi: «Aýyl – el besigi» jobasynda aýyldardy jańǵyrtý boıynsha 2021 jyly 480 aýyl qamtyldy, 2,9 myń km ınjenerlik jeliler men joldar jáne 300-den astam áleýmettik obektiler salyndy ári jóndeldi. Bıyl respýblıkalyq bıýdjetten 576 aýylda 1 056 jobany iske asyrýǵa 128 mlrd teńge bólindi, bul qarajat turǵyn úı-kommýnaldyq sharýashylyq salasynda – 91 joba atqarýǵa, áleýmettik ınfraqurylym salasynda – 454 jáne kólik ınfraqurylymy salasynda – 511 jobaǵa baǵyttalǵan», - dedi Á. Qýantyrov Úkimettiń búgingi otyrysynda.
Bıylǵy 1 tamyzǵa shaqqanda ákimdikter 52,2 mlrd teńgeni nemese jyldyq jospardyń 40,8%-in ıgergen. Qarajattyń eń tómen ıgerilýi Qaraǵandy oblysynda baıqalady.
«Dıplommen aýylǵa» jobasy boıynsha 2021 jyly 4,3 myń jas maman turǵyn úı satyp alý úshin bıýdjettik kredıt aldy. Al bıyl respýblıkalyq bıýdjetten 4,3 myń mamanǵa turǵyn úı satyp alýǵa 20 mlrd teńge bólindi, 1 tamyz boıynsha 2 myń maman baspana aldy.
«Mınıstrlik qazirgi ýaqytta aýyldyq aýmaqtardy damytý tujyrymdamasyn pysyqtap jatyr. Bul tujyrymdama aýyldyq aýmaqtar ınfraqurylymyn, kásipkerlikti jáne agroónerkásipti damytý boıynsha, turǵyndardyń kadrlyq áleýetin arttyrý, ınternetke qol jetkizýin ulǵaıtý jáne taǵy basqalar boıynsha keshendi is-sharalardy qamtıdy. Bul rette, qujatta jaýapty memlekettik organdardy aıqyndap, joǵaryda atalǵan ár baǵyt boıynsha nysanaly parametrler qarastyrylady», - deıdi Ulttyq ekonomıka mınıstri.
Mono jáne shaǵyn qalalardyń ınfraqurylymyn damytý úshin 2022 jyly 28 qalada 57 jobany iske asyrýǵa 25,8 mlrd teńge bólingen. Osy jyldyń 1 tamyzyna shaqqanda ákimdikter 9,2 mlrd teńgeni nemese jyldyq jospardyń 35,8%-in ıgerdi. Qarajattyń eń az ıgerilýi Pavlodar jáne Almaty oblystarynda baıqalady.
«Monoqalalardy damytý isinde keshendi ustanym qoldaný úshin, jańa sharalardy júıelep, iske asyrý úshin mınıstrlik tıisti jol kartasyn ázirleýde. Jol kartasynda monoqalalardy memlekettik qoldaý sharalarynyń biryńǵaı tizbesin, áleýmettik-ekonomıkalyq damýdyń keshendi josparlaryn ázirleý, ındýstrııalyq aımaqtar men ozyq damý aýmaqtaryn qurý jáne t. b. máseleler qarastyrylǵan. Aýyldar men monoqalalardy damytý boıynsha joǵaryda kórsetilgen barlyq usynystar múddeli memlekettik organdar men óńirlerge joldandy. Jalpy alǵanda, «Qýatty óńirler – el damýynyń draıveri» ulttyq jobasynyń is-sharalary bekitilgen jospar-kestege sáıkes iske asyrylyp jatyr, ári mınıstrliktiń turaqty baqylaýynda», - dep túsindirdi Álibek Qýantyrov.
Buǵan deıin mınıstr «Qýatty óńirler – el damýynyń draıveri» jobasynyń 2021 jylǵy nátıjesin baıandaǵan edi.