Aýyldardy sýmen qamtıtyn mekemelerge biryńǵaı talaptar bekitý qajet - Smaıylov

NUR-SULTAN. QazAqparat – Aýyldardy sýmen qamtamasyz etýmen aınalysatyn paıdalanýshy mekemelerge biryńǵaı talaptar bekitý qajet. Bul týraly búgin Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Jańadan salynatyn jáne qoldanystaǵy sýmen jabdyqtaý ınfraqurylymdarynyń qalypty jumysyn qamtamasyz etý úshin Ulttyq ekonomıka, Indýstrııa jáne ınfraqurylymdyq damý mınıstrlikteri ákimdiktermen birlesip, aýyldardy sýmen qamtamasyz etýmen aınalysatyn paıdalanýshy mekemelerge biryńǵaı talaptar bekitýi qajet», - dedi Úkimet basshysy.

Álıhan Smaıylovtyń atap ótýinshe, sol arqyly jergilikti jerde qyzmet kórsetetin uıymdardyń jumysy tolyǵymen retke keltiriledi.

«Baqylaý men úılestirý – Roman Vasılevıchte», - dedi Premer-Mınıstr orynbasary Roman Sklıarǵa qarata.