Aýyldardy damytý tujyrymdamasy: Eldi meken ákimine qosymsha quzyret beriledi
Ashyq talqyǵa shyǵarylǵan Aýyldardy damytýdyń 5 jyldyq tujyrymdamasynda eldi mekenderdiń áleýmettik-ekonomıkalyq ilgerileýin qamtamasyz etý úshin jergilikti ózin-ózi basqarý organdarynyń jumysy qaıta qaralatyny jazylǵan.
«Jergilikti ózin-ózi basqarý organdarynyń qarjylyq derbestigin keńeıtý sheńberinde bıýdjettiń IV deńgeıine salyq pen tólemniń qosymsha túrleri (sý resýrstaryn paıdalanǵany úshin tólemaqy, jekelegen qyzmet túrlerimen aınalysý quqyǵy úshin lıtsenzııalyq alym, jekelegen qyzmet túrlerimen aınalysýǵa lıtsenzııa paıdalanǵany úshin tólemaqy (alkogol ónimin saqtaý jáne ótkizý boıynsha) beriledi. Budan basqa, aýyldyq okrýg ákimderine qosymsha fýnktsııalar men ókilettikter berý máselesi qaralady», - dep jazylǵan Ashyq NQA portalynda jarııalanǵan 5 jyldyq tujyrymdamada.
Buǵan deıin habarlaǵanymyzdaı, tujyrymdamaǵa saı, Katonqaraǵaı, Úlken Naryn, Kúrshim, Marqakóldiń mártebesin qalpyna keltirý isi qolǵa alynady.
Sonymen birge shekara mańyndaǵy klımaty qatal aýyl turǵyndarynyń 1 jyldyq eńbek ótili 1,5 jyl bolyp eseptelmek.