Aýyldardaǵy qoǵamdyq bastamalarǵa 500 myń teńgelik shaǵyn granttar beriledi

NUR-SULTAN. QazAqparat – Bıyl aýyldardaǵy úkimettik emes uıymdar men azamattyq belsendilerdiń bastamalaryna 500 myń teńgeden 50 shaǵyn grant berý josparlanyp otyr. Bul týraly QR Aqparat jáne qoǵamdyq damý mınıstri Asqar Ýmarov vedomstvonyń keńeıtilgen alqa májilisinde aıtty, dep habarlaıdy QazAqparat tilshisi.

«Qaıyrymdylyq pen volonterlikti yntalandyrýǵa jáne damytýǵa ekpin beremiz. Osyǵan baılanysty tıisti zań jobasyn usyndyq Joba Májilis qaraýynda, qabyldaný merzimi – 2022 jyl.

Zań qabyldanǵannan keıin kótermeleý kvotalary kóbeıedi. Osylaısha, jumysqa ornalasqan volonterler sany aıtarlyqtaı artady», - dedi mınıstr.

Mınıstrdiń málimeti boıynsha, bıyl túrli formattaǵy 20 myńnan astam is-shara ótkizýdi josparlanǵan,

«Aýyldardaǵy úkimettik emes uıymdar men azamattyq belsendilerdiń bastamalaryna 500 myń teńgeden 50 shaǵyn grant berýdi josparlap otyrmyz.

ıAǵnı, jergilikti qoǵamdastyqty jumyldyrý, aýyl bastamalaryn damytýda kóshbasshylardy anyqtaý jáne aýyl turǵyndarynyń tsıfrlyq jáne qarjylyq saýattylyǵyn arttyrýǵa baǵyttalǵan shaǵyn granttar konkýrsy uıymdastyrylady», - dedi Asqar Ýmarov.