Aýyldarda kásipkerlikti qoldaý: Mıkrokredıt pen jobaǵa kepildik berýge kvota bólinedi
«Shekara mańyndaǵy aýmaqtardyń tartymdylyǵyn arttyrý úshin ekonomıka salasyn damytýdy jáne jańa jumys oryndaryn qurýdy qamtamasyz etý óte mańyzdy. Eldi mekenderdiń ekonomıkasyn damytý aýyl sharýashylyǵy óndirisin, jańa óndiristerdi, halyqaralyq týrızmdi, transshekaralyq kólik dálizderin damytýdy yntalandyrý jáne qoldaý, sondaı-aq shekaramańy yntymaqtastyǵyn damytý úshin jaǵdaı jasaý jóninde sharalar qabyldaý esebinen júzege asyrylady. Shekaralas aýmaqtardy damytý memlekettik qoldaý sharalaryn paıdalanýdyń saralanǵan tásilin eskere otyryp júzege asyrylady», - dep jazylǵan Ashyq NQA portalynda jarııalanǵan tujyrymdamada.
Munymen qatar, jańa kásip ashyp jatqan shekara mańynda ornalasqan aýyldardyń halqyna grant negizinde qarjylaı qoldaý kórsetý josparlanyp otyr.
«Shaǵyn jáne orta kásipkerlikti damytý úshin jaǵdaı jasaý shekara mańyndaǵy aýmaqtarda tirkelgen bıznes sýbektilerine memlekettik qoldaýdyń qosymsha sharalaryn ázirleýdi kózdeıtin bolady. Atap aıtqanda, basymdyq aýyldyq eldi mekenderde iske asyrylatyn jobalarǵa beriledi. Kásipkerlikti damytýdy qoldaý quraldary sheńberinde bıýdjet qarajatyn mıkrokredıt berýge jáne jobalarǵa kepildik berýge bólý kezinde belgilengen kvotalar kózdeletin bolady. Budan basqa, isin jańa bastaǵan kásipkerlerge shekaralas aýdandardyń jáne jergilikti qoǵamdastyqqa negizdelgen ekonomıkalaryn klasterleýge yqpal etetin jobalardy iske asyrýǵa granttyq qarjy bólinedi», - degen josparlar baıandalǵan 5 jyldyq tujyrymdamada.
Qosa ketsek, shekara mańyndaǵy klımaty qatal aýyl turǵyndarynyń 1 jyldyq eńbek ótili 1,5 jyl bolyp eseptelmek.
Budan bólek, tabıǵı-klımattyq jaǵdaıy kúrdeli shekara mańyndaǵy eldi mekender úshin elektr energııasyna tómendetilgen tarıf belgilenedi.