Aýyldarda halyqqa qyzmet kórsetý ortalyqtary ashylady
«Aýyldarda búgingi tańda «Qazposhtanyń» 2700 bólimshesi bar. Biz bul bólimshelerdi komıýnıtı ortalyqatyr etip, onda Halyqqa qyzmet kórsetý ortalyqtaryn ashyp jatyrmyz. Onda bizdiń mamandar aýyl turǵyndaryna 20-dan astam memlekettik servıs boıynsha kómek kórsetedi. Sondaı-aq, elimizde tsıfrlandyrý máselesi ınternerttiń jumys isteýine baılanysty. Qazirgi tańda ár aýylda ınternet bar, alaıda, onyń jyldamdyǵy az. Sondyqtan biz Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, aýyldarda ınternet jyldamdyǵyn kóterý, ıaǵnı, bir adamǵa 1m/bıt emes, 100 m/bıt-ke deıin jetkizýdi maqsat etip otyrmyz», - dedi «Qazposhta» AQ basqarma tóraǵasy Ásel Janasova.
Ol sondaı-aq «Qazposhta» tarapynan áıelderge áleýmettik jaǵynan qoldaý kórsetý jumystary júrip jatqanyn aıtty.
«Biz aýyldaǵy áıelderdiń kásibı turǵyda ósýine, áleýmettik jaǵynan qorǵalýyna, kóshbasshylyq qasıetterin damytýǵa yntalymyz. Osyǵan oraı, aýyldardaǵy «Qazposhta» bólimshelerinde biz áıelder úshin telemedıtsına arqyly dárigerlerdiń servısin qosý, onlaın kýrstardy ashý jumystaryn jasap jatyrmyz, elektrondyq daıarlaý ortalyqtaryn ashyp jatyrmyz», - dedi Ásel Janasova.