Aýyldarda 700 jańa medıtsına nysany salynady
«Sondaı-aq aýyldaǵy áleýmettik salada ózgerister bolady. Aýyldyń densaýlyq saqtaý júıesin jańǵyrtý úshin arnaıy joba qolǵa alynady. Shamamen 700 jańa medıtsına nysany salynady. Kóp salaly 32 aýdandyq aýrýhanada jańǵyrtý jumystary júrgiziledi. Osynyń bárine 200 mıllıard teńgeden astam qarajat bólinedi», - dedi Qasym-Jomart Toqaev.
Prezıdent aımaqtarda ınfraqurylymǵa qatysty máseleler kóp ekenine toqtaldy.
«Turǵyn úı tapshylyǵy, jylý, energııa jáne sý jelileriniń eskirgeni, joldardyń tozyp turǵany barshaǵa málim. Búgingi basqosýǵa oblys ákimderi qatysyp otyr. Jańadan taǵaıyndalǵan basshylar da bar. Sizderge senim artamyz. Ár aımaqty turmys sapasy joǵary «qýatty óńirge» aınaldyrý úshin zor múmkindik berilip otyr. Tabandy jumys isteý qajet», - dedi Memleket basshysy.