Aýyldaǵy mádenıet uıymdarynda kadr jetispeıdi - Aqtoty Raıymqulova

NUR-SULTAN. QazAqparat – Aýyldaǵy mádenıet uıymdarynda kadr jetispeıdi. Bul týraly QR Prezıdenti janyndaǵy Adam quqyqtary jónindegi komıssııa otyrysynda Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.

«Salanyń aldynda turǵan taǵy bir problema aýyldaǵy mádenıet uıymdarynda kadrlardyń jetispeýshiligi bolyp tabylady. Búgingi tańda aýyldyq jerlerdegi mádenıet uıymdaryndaǵy kadrlardyń tapshylyǵy ár túrli mamandyqtar boıynsha 1200 adamdy quraıdy. Onyń ishinde kitaphanashylar, horeograftar, mádenı uıymdastyrýshylar, vokalıster, mýzeı, aýyldyq klýb qyzmetkerleri jáne basqalary bar», - dedi mınıstr.

Onyń atap ótýinshe, jergilikti jerlerde jas mamandardy áleýmettik qoldaýǵa baǵyttalǵan birqatar baǵdarlama jumys istemeıdi.

«Mysaly, «Dıplommen – aýylǵa» jobasy el óńirlerindegi kadr problemasyn sheshpeıdi. Mamandardyń kelýine, birinshi kezekte, aýyldaǵy ómir sapasy - turǵyn úıdiń bolýy, jalaqynyń laıyqty deńgeıi, áleýmettik qoldaý sharalary áser etedi. Bul - izdenýshilerdiń áńgimelesý kezinde qoıatyn basty suraqtary. Bul máseleni sheshý jan-jaqty bolýy kerek. Sheshim retinde aýyldaǵy kópfýnktsıonaldy ortalyqtar úshin ámbebap jumysshylardy daıarlaý bolýy múmkin. Mysaly: kitaphanashy- ekskýrsovod – mádenıettanýshy», - dedi Aqtoty Raıymqulova.