Aýylda shujyq tsehy iske qosylady - Aqmola oblysy

KÓKShETAÝ. QazAqparat - Aqmola oblysynyń Zerendi aýdanynda shujyq tsehy iske qosylmaq, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.

Aıdabol aýylynda ashý josparlanyp otyrǵan tsehtyń qýaty 20 tonnaǵa arnalǵan. Qazirgi kezde óndiris orny 7 tońazytqysh kamera, 500 keli shujyq keptirgishpen jabdyqtalǵan. Oǵan qosa,  400 bas iri qara mal semirtýge arnalǵan alań, qasaphana jáne qoıma  da bar.

 

Shujyq tsehynyń basshysy Qaırat Ahmetovtiń aıtýynsha, jobany júzege asyrý  úshin «Jumyspen qamtýdyń jol kartasy -2020» memlekettik baǵdarlamasy arqyly 7 jyl merzimge 16 mıllıon teńgege nesıe berilgen.

 

«Jaqynda kásiporyndy iske qosý qosý kózdelgen. Qazir kezde tsehta 5 adam eńbek etedi. Tolyq qýatyna shyqqan kezde jumysshylar sanyn 25-ke deıin jetkizemiz. Oǵan qosa,  Kókshetaý qalasynda fırmalyq dúken ashý da josparda bar», deıdi kásiporyn basshysy óz sózinde.