Aýylda ózin-ózi jumyspen qamtyǵandardyń 3,4% - zeınet jasynda

ASTANA. QazAqparat – Ulttyq ekonomıka mınıstrliginiń málimeti boıynsha, aýyldaǵy 1 mln 201,3 myń turǵyn óz-ózin jumyspen qamtyp otyr. Bul jaıynda shekara mańyndaǵy eldi mekender týraly QazAqparat saýalyna mınıstrlik jaýabynda aıtylǵan.

«Qazirgi tańda elimizdiń aýyldyq jerlerinde barlyǵy 3 mln 530,6 myń adam jumyspen qamtylǵan. Onyń ishinde ózin-ózi jumyspen qamtyǵandardyń sany – 1 mln 201,3 myń (34%).

Aýylda ózin-ózi jumyspen qamtyǵandar arasynda jastar 12,5%, al zeınet jasyndaǵy adamdar 3,4% quraıdy.

2022 jyldyń basyndaǵy málimetke sáıkes, aýyldyq eldi mekenderde 50,7 myń dáriger men orta medıtsına qyzmetkeri jumys isteıdi. Kadrlardyń qosymsha qajettiligi 1 850 birlikti quraıdy», - dep jazady vıtse-mınıstr Baýyrjan Omarbekov.

Vedomstvo jaýabynda shekara mańynda ornalasqan aýyl halqynyń jumyspen qamtylý kórsetkishi, tapshy mamandar týraly bólek statıstıka júrgizilmeıtini aıtylǵan.

«Aýyldyq jerlerde barlyǵy 209,6 myń pedagog jumys isteıdi. Bul rette shekaralyq aýyldar boıynsha halyqtyń jumyspen qamtylǵandar sany boıynsha bólek statıstıka júrgizilmeıdi», - delingen jaýapta.