Aýylda memlekettik kórsetiletin qyzmetter jármeńkesi ótti - Aqmola oblysy
Vedomstvonyń málimeti boıynsha, jármeńke Krasnoıar aýyly ákimi apparatynyń ǵımaratynda ótip, oǵan Kókshetaý qalasynyń jergilikti memlekettik organdary men «Azamattarǵa arnalǵan úkimet» memlekettik korporatsııasy" UAQ fılıaly qatysty.
«Búgingi tańda memlekettik organdardyń aldynda turǵan mańyzdy mindetterdiń biri - halyqqa sapaly qyzmet kórsetý jáne onyń kórsetilý tártibin túsindirý arqyly óz qyzmetinde jemqorlyq táýekelderin joıý, memlekettik qyzmetterdi kórsetý úderisiniń ashyqtyǵyn qamtamasyz etý, ákimshilik bógetterdi azaıtý bolyp tabylady. Osy maqsatta osyndaı jármeńkeler jıi ótkizilip turady», - deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Bergen Bespalınov.
Jármeńke barysynda azamattar memlekettik kórsetiletin qyzmetterdiń eń talap etiletin salalary boıynsha qajetti konsýltatsııalyq-ádistemelik kómekke ıe boldy. Sonymen qatar jármeńke barysynda azamattarǵa elektrondy túrde memlekettik qyzmet kórsetý boıynsha anyqtamalyq materıaldar taratyldy. Jármeńkege 45 azamat qatysty. Mobıldi azamattar bazasynda 32 azamat tirkelip, - 45 ret uıaly baǵdarlamalar júkteldi.
«Búgin biz óz qyzmetimizdiń formatyn aýystyrdyq jáne búgingi tańda memlekettik organdar azamattar úshin qyzmet etedi. Endigi kezekte elektrondy memlekettik qyzmetterdi bir rettik sms habarlama arqyly tirkele otyryp, elektrondyq úkimet portaly arqyly alýǵa bolady. Memlekettik kórsetiletin qyzmetterdiń kópshiligin osylaısha uıaly telefon arqyly alýǵa bolady», - dep atap ótti Departamenttiń Memlekettik kórsetiletin qyzmetter basqarmasynyń basshysy Ádilbek Muhamedjanov.