Aýyl jastaryna arnalǵan «Órleý» atty jańa partııalyq joba usynyldy

NUR-SULTAN. QazAqparat – Aýyl jastaryna arnalǵan «Órleý» atty jańa partııalyq jobasy usynylady. Bul týraly «Nur Otan» partııasynyń kezekten tys sezinde partııanyń atqarýshy hatshysy Ashat Oralov málim etti, dep habarlaıdy QazAqparat.

«Jas Otan» jastar qanatynyń jumysyn tolyqtaı qaıta jańǵyrtý asa mańyzdy. «Jas Otan» qataryna jastar arasynda shyn bedeli bar naǵyz kóshbasshylardy tartamyz. Aýyl jastaryna arnalǵan «Órleý» atty jańa partııalyq jobasyn usynamyz», - dedi A. Oralov.

Onyń aıasynda elimizdiń túkpir-túkpirindegi jastardyń tulǵalyq damýyna, shyǵarmashylyq qabiletterin shyńdaýǵa arnalǵan, olardy kásip ashyp, tabysty bolýǵa yntalandyratyn keshendi sharalar júzege asyrylady.

«Budan bólek, jas urpaqty otansúıgishtikke baýlıtyn «Qaısar» atty jańa áskerı-patrıottyq joba iske qosylady. El qorǵaıtyn, memleketimizge qyzmet etetin erjúrek azamattardy tárbıeleýge basymdyq beriledi», - dedi partııanyń atqarýshy hatshysy.