Aýyl turǵyny jerdi qalaı satyp ala alady?

ASTANA. QazAqparat - Aýyl turǵyny jer satyp alý úshin aýktsıonǵa qatysýy qajet.

Resmı derekózdiń habarlaýynsha, birinshiden, aqparattar leginen habardar bolyp, habarlandyrýlardy qadaǵalap otyrý qajet. Ákimdikter aýktsıonnyń ótýi týraly habarlandyrýlardy aýktsıon ótkiziletin kúnnen kúntizbelik on bes kún buryn jarııalaıdy.
Aýktsıonǵa satylýǵa qoıylǵan jer telimderi týraly habarlandyrýlardy oblystyq merzimdi basylymdardan, ákimdiktiń arnaıy saıttarynan, Elektrondyq úkimet platformasynan tabýǵa bolady.
Aýktsıonǵa qatysý úshin mindetti túrde ákimdikke ótinish berý qajet.
2016 jyldyń 1 shildesinen Qazaqstan azamattary úshin 1,7 mln ga aýylsharýashylyq jerin aýktsıonǵa shyǵarý josparlanyp otyr.
Eske sala ketsek, jerdi satyp alýǵa tek Qazaqstan azamattary qatysady.