Aýyl turǵyndaryna jeńildetilgen kredıt berýge 52 mlrd teńge bólinedi

ASTANA. QazAqparat – Aýyl sharýashylyǵy mınıstrligi «Ashyq NQA» portalyna «aýyl halqynyń tabysyn arttyrýǵa baǵyttalǵan shaǵyn nesıeler berýdi kózdeıtin úkimet qaýlysynyń jobasyn talqyǵa shyǵardy, dep habarlaıdy QazAqparat tilshisi.

Ol úshin respýblıkalyq bıýdjetten 52 mlrd 396 mln 9645 teńge bólý jsoparlanǵan.

Qarajat aýyl turǵyndarynyń tabysyn arttyrý úshin oblystyq bıýdjetterge 0,01 paıyz syıaqy mólsherlemesimen 10 jyl merzimge berilmek. Oblystar ony aýyl halqynyń tabysyn arttyrýǵa baǵyttalǵan 2023 jylǵa josparlanǵan jobalardyń aýqymyn keńeıtý úshin kredıet retinde beredi.

Bıýdjettik kredıtti ıgerýge 6 aı berilmek. Al ol merzim kredıte berýshi sońǵy uıymnyń shotynan aqsha aýdarylǵan sátten bastap esepteledi.

Qaryzdyń negizgi somasyn tóleıtin merzim nesıe berý shartynda belgilenedi.

Qujattyń tolyq mazmunymen myna jerden tanysýǵa bolady.

Qaýly jobasy 19 jeltoqsanǵa deıin ashyq talqylaýda bolady.