Aýyl turǵyndaryn skrınıngten ótkizý qyzmetteriniń tizbesi keńeıtildi
Onyń aıtýynsha, koronavırýs ınfektsııasynyń pandemııasy jyldarynda shekteý is-sharalaryna oraı aýyl turǵyndaryna mamandandyrylǵan medıtsınalyq kómek deńgeıi tómendedi. Bul turǵyda aýrýlardy erte anyqtaý jáne ýaqtyly emdeý úshin aýqymdy profılaktıkalyq tekserýler engizilip jatyr.
«Halyqtyń densaýlyǵyna qatysty júrgizilgen taldaýdy eskere otyryp, nysanaly top pen aýyl turǵyndaryn skrınıngten ótkizý qyzmetteriniń tizbesi keńeıtildi. 15 qyrkúıekten bastap Qaraǵandy oblysy Abaı aýdanynyń, Aqmola oblysy Arshaly aýdanynyń jáne Almaty oblysy Eńbekshiqazaq aýdanynyń aýdandyq ortalyq aýrýhanalarynda qanatqaqty joba júrgizilip jatyr. 20 qazannan bastap aýyldarda profılaktıkalyq tekserýler búkil el boıynsha júrgiziletin bolady», - dedi mınıstr.
Profılaktıkalyq tekserýler júrek jáne qantamyr júıesi aýrýlarynyń, qant dıabetiniń, asqazan men búırektiń sozylmaly aýrýlarynyń erte kezeńderin anyqtaýǵa baǵyttalǵan.
Asqazan-ishek joldarynyń aýrýlaryn, 18-70 jas aralyǵyndaǵy jáne odan joǵary jastaǵy adamdarda nesep bólý júıesi dertin, 50-den asqan adamdardyń tynys alý organdary aýrýlaryn jáne qýyqasty beziniń obyryn erte anyqtaý qyzmetteri keńeıtildi.
Munymen qosa, 18 jasqa deıingi balalar úshin, ıaǵnı 1 jas, 3 jas, 6 jas jáne 14 jastaǵy jetkinshekterdi zerthanalyq zertteýdiń qosymsha jalpy klınıkalyq ádisteri engizildi.