Aýyl turǵyndaryn qandaı máseleler tolǵandyrady – Májilis depýtatynyń pikiri
«Jaz aılarynda bizdiń depýtattar óńirlerge sapar jasady. Árqaısysynda kóptegen saýaldar, turǵyndar kótergen máseleler jınaqtalǵan. Árıne, kóptegen ózekti máseleler bar. Ótken Joldaýda da júzege asyrylǵan dúnıeler bar jáne keıbir sátter álsiz tustaryn kórsetti. Bıylǵy Joldaý azamattar kótergen kóptegen suraqtarǵa jaýap berdi dep oılaımyn», - dedi ıÝ. Kýchınskaıa «QazAqparat» halyqaralyq aqparat agenttiginiń baspasóz ortalyǵynda ótken saraptamalyq talqylaýda.
Depýtat jazda Aqmola oblysyna jasaǵan sapary týraly aıtyp berdi.
«Aýyldyq jerlerdegi turǵyndardy ne tolǵandyrdy? Eń aldymen – veterınarlyq qyzmet, veterınarııa qyzmetin damytý máselesi. Aýyldyq jerlerde mal ártúrli ınfektsııalardan qyryldy, al veterınar mamandar jetispedi. Bul másele óte ózekti jáne ony kóterý mańyzdy. Eger muny aıta bastasaq, máseleni sheshýge de kóshemiz. Eger Úkimet taıaý bolashaqta nazar aýdarýy tıis negizgi máseleler joǵary deńgeıde belgilese, Joldaýdyń mańyzdylyǵy sol bolmaq», - dep atap ótti ıÝ.Kýchınskaıa.
Depýtattyń aıtýynsha, aýyl turǵyndaryn jeke qosalqy sharýashylyqtaryn damytý máselesi tolǵandyrady.
«Bizdiń depýtat retindegi mindetimiz – munyń bárin zań júzinde ǵana emes, is júzinde oryndalýyn da qamtamasyz etý. Shaǵyn monoqalalardy damytý óte mańyzdy másele bolyp otyr. Men Stepnogorsk, Atbasar qalalarynda boldym. Dáýreni ótken, bos turǵan kásiporyndardy kórgen óte ókinishti. Prezıdent kótergen máselelerdiń barlyǵy óte mańyzdy. Biz mono jáne shaǵyn qalalardy damytý jónindegi birneshe baǵdarlamany iske asyrdyq, biraq, ókinishke oraı bul qalalardyń ekonomıkasy men ınfraqurylymy máz emes. Al onda mıllıonnan astam adam turady», - deıdi Májilis depýtaty.