Aýyl turǵyndary men balalardy kásibı tekserý tizimi keńeıdi - Densaýlyq saqtaý mınıstrligi
Vedomstvonyń resmı saıtynda jarııalanǵandaı, bul j ańashyldyq aýyl halqyna medıtsınalyq qyzmetterdiń qoljetimdiligin jaqsartý maqsatynda zertteý túrleri men nysanaly toptardy keńeıtýge qatysty engizilgen.
«Bul qalalyq jáne aýyldyq halyq arasynda medıtsınalyq qyzmetterdiń qoljetimdiligi bóliginde oryn alyp otyrǵan dısbalansty kezeń-kezeńimen teńestirýge, saqtandyrylmaǵan halyqty medıtsınalyq kómekpen kóbirek qamtýdy qamtamasyz etýge, tutastaı alǵanda, aýyl halqy arasynda aýrýlardyń aldyn alýǵa beıildilik mádenıetin arttyrýǵa múmkindik beredi», - dep jazdy mınıstrlik.
Osylaısha, aýyl turǵyndaryna profılaktıkalyq tekserý júrgizý úshin jańa nysanaly topty anyqtaý esebinen 18 jastan 29 jasqa deıin halyqty qamtýdy ulǵaıtý kózdelgen.
Aıta keter jaıt, buǵan deıin jastar 30 jastan 70 jasqa deıingi skrınıngtik zertteýlermen qamtylmaǵan. Jas adamdardy zertteý júrek-qantamyr júıesiniń, qant dıabetiniń, asqazan men búırektiń sozylmaly aýrýlarynyń, onkologııalyq aýrýlardyń (qýyq asty beziniń) aýrýlaryn erte satyda anyqtaýǵa kómektesedi.
«Aýyldyq jerlerde profılaktıkalyq tekserýler júrgizý úshin 4 nysanaly top aıqyndaldy: «Jastar» - 18 jastan 29 jasqa deıin, «Eńbek - 1» - 30 jastan 44 jasqa deıin, «Eńbek - 2» - 45 jastan 65 jasqa deıin jáne «Zeınetker» - 66 jas jáne odan joǵary. Aýyl turǵyndaryna asqazan-ishek joly, zár shyǵarý júıesi, eresek jastaǵy toptaǵy týberkýlez jáne qýyqasty bezi obyryn erte anyqtaý qyzmetteri keńeıtildi», - dep habarlady resmı aqparat kózi.
0 jastan 18 jasqa deıingi balalardy profılaktıkalyq qarap-tekserýdi uıymdastyrýdy jetildirý maqsatynda aǵymdaǵy jyly 1 jas, 3, 6 jáne 14 jas aralyǵyndaǵy balalarǵa nazar aýdara otyryp, zerthanalyq zertteýlerdiń qosymsha ádisterin qosyp, profılaktıkalyq qarap-tekserý paketterin keńeıtý josparlanýda. Kórsetilgen jas sanattarynda qosymsha jalpy klınıkalyq zerthanalyq taldaýlar engizilgen.
Sonymen qatar, jastar densaýlyq ortalyqtarynyń bazasynda jasóspirimder men jastar arasynda, onyń ishinde jynystyq jolmen beriletin aýrýlardyń, minez-qulyqtyq qaýip faktorlarynyń, erte júktiliktiń, sýıtsıdterdiń, lýdomanııanyń jáne psıhıkalyq, reprodýktıvtik densaýlyqtyń basqa da buzylýynyń aldyn alý boıynsha profılaktıkalyq jumystar júrgiziledi.