Aýyl turǵyndary Májilis depýtatyna uıaly baılanystyń joǵyn aıtty

KÓKShETAÝ. QazAqparat - Qazaqstan Respýblıkasy Parlamenti Májilisiniń depýtaty Vladıslav Kosarev jumys saparymen Aqmola oblysynyń Zerendi aýdanynda bolyp, Qyzylsaıa aýylynyń turǵyndarymen kezdesti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Sapar barysynda Májilis depýtaty «Moldashev» sharýa qojalyǵynyń jumysymen tanysty. Búgingi tańda sharýashylyqta qazaqtyń aqbas sıyrlary men Edilbaı qoılary ósiriledi.

Aýyl turǵyndarymen ótken kezdesýde agrarlyq sektordy damytý, jeke mal sharýshylyǵymen aınalysý máselesi kóterildi. Turǵyndar tarapynan birqatar túıitkildi máseleler aıtyldy. Onyń ishinde aýyl turǵyndary uıaly baılanystyń joqtyǵy, Qyzylsaıa jáne Dóńgilaǵash aýyldaryn arasyndaǵy joldyń tozǵandyǵy depýtattyń nazaryna alyndy.

Sonymen qatar, Vladıslav Kosarev óńirdegi irgeli kásiporyn sanalatyn «Altuntau Kokshetau» AQ bolyp, kásiporyn ujymymen kezdesti.