Aýyl sharýashylyǵyn qarjylaı qoldaý qorynyń Dırektorlar keńesindegi ózgerister oryn aldy

ASTANA. QazAqparat - «Aýyl sharýashylyǵyn qarjylaı qoldaý qory» AQ jalǵyz aktsıoneri - «QazAgro» Holdıngi» AQ Basqarmasynyń - 2016 jylǵy 18 mamyrdaǵy №24 sheshimimen Dırektorlar keńesiniń quramyna ózgerister engizildi. Dırektorlar keńesiniń múshesi - táýelsiz dırektory bolyp Ahmetov Erbosyn Kımuly saılandy.

E.Ahmetov 1970 jylǵy 18 naýryzda týyldy, Qazaqstan Respýblıkasynyń azamaty.

Q.Sátpaev atyndaǵy Qazaq ulttyq tehnıkalyq ýnıversıtetin «Shahtalyq jáne jer astyndaǵy qurylystar» mamandyǵy boıynsha úzdik dıplommen (Almaty, 1994 j.); Qazaq memlekettik basqarý akademııasy janyndaǵy Naryq ınstıtýtyn «Qarjy jáne nesıe» mamandyǵy boıynsha (Almaty, 1997 j.); QR Prezıdenti janyndaǵy Memlekettik qyzmet akademııasynyń «Memlekettik basqarý» fakýltetin (Astana, 2000 j.) támamdady. Tehnıkalyq ǵylymdarynyń kandıdaty (Q.Sátpaev atyndaǵy QazUTÝ, Almaty).

Eńbek jolyn 1995 jyly bastap, memlekettik qyzmette, ulttyq kompanııalarda jumys istedi. 2008-2010 jyldary - QR Prezıdenti Ákimshiliginiń Áleýmettik-ekonomıkalyq monıtorıngi bóliminiń sektor basshysy; 2010-2015 jyldary - «KEGOK» AQ Korporatıvtik damý departamentiniń dırektory; 2015 jylǵy sáýirden - «KEGOK» AQ Bıznes transformatsııasy baǵdarlamasynyń menedjeri.

Birqatar ǵylymı maqalalardyń avtory. IPMA jobalarynyń sertıfıkattalǵan basshysy (S deńgeıi).