Aýyl sharýashylyǵy jerlerin túgendeýde ǵaryshtyq monıtorıngtiń múmkindigi zor - Aıdyn Aıymbetov

KÓKShETAÝ. QazAqparat - Halyq Qaharmany Aıdyn Aıymbetov aqmolalyq sharýalarǵa aýyl sharýashylyǵy jerlerine ǵaryshtyq monıtorıng júrgizýdiń tıimdilikterin túsindirdi, dep habarlaıdy QazAqparat tilshisi.

Oblys ákiminiń baspasóz qyzmetiniń málimeti boıynsha búgin Tselınograd aýdanyndaǵy «Rodına» agro fırmasy» JShS bazasynda agroónerkásip keshenin damytý máseleleri boıynsha ǵylymı-konsýltatıvtik keńestiń otyrysy ótýde.

Keńeske aýdan, qala əkimderi, óńirlik kásipkerler palatasy, A.I.Baraev atyndaǵy astyq sharýashylyǵy óndiristik ortalyǵynyń, Ulttyq agrarlyq ǵylymı-oqytý ortalyǵynyń mal sharýashylyǵy jəne ósimdik sharýashylyǵy Soltústik Qazaqstan ǴZI ókilderi, aýyl sharýashylyǵy qurylymdarynyń basshylary men agranomdarynan quralǵan 200 astam adam qatysýda.

Aıdyn Əıimbetovtyń aıtýynsha, «Qazaqstan ǵarysh sapary» UK bazasynda ǵaryshtyq monıtorıng júrgizýge bolady. Bul aýyl sharýashylyǵy maqsatyndaǵy jerlerdi túgendeý məselesin sheshýge sep bolar edi.

«Bul jer teliminiń naqty aýmaǵy men shekarasyn, maqsaty paıdalanýyn jəne kóleńkeli qordaǵy jerlerdi anyqtaýǵa múmkindik beredi. Sonymen qatar, jer teliminiń naqty kartografııasyna, egistiktik alqaptardyń jaǵdaıyna monıtorıng júrgizýge septigin tıgizedi», - dedi A.Aıymbetov.