Aýyl sharýashylyǵy jerleri shetel azamattaryna satylmaıdy - QR UEM

ASTANA. QazAqparat - Aýyl sharýashylyǵy maqsatyndaǵy jerler shetel azamattaryna satylmaıdy. Bul týraly búgin Astanada QR UEM Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń orynbasary Baýyrjan Smaǵulov málim etti.

«Jer kodeksiniń 24-babyna sáıkes, sheteldikterde aýyl sharýashylyǵy maqsatyndaǵy jerlerdi jekemenshikke satyp alý quqyǵy joq. Tek 25 jylǵa jalǵa alýǵa múmkindigi bar. Bunyń barlyǵy zańmen reglamenttelgen. Al eger qurylys, jeke turǵyn úı qurylysy jáne basqa da qajettilikterge jerler satylýy múmkin. Alaıda aýyl sharýashylyǵy maqsatyndaǵy jerler shetel azamattaryna satylmaıdy»,-dedi ol.

Budan buryn habarlanǵandaı, bıylǵy jyldyń 1 shildesinde kúshine enetin QR «Jer kodeksine ózgerister men tolyqtyrýlar engizý týraly» zańyna sáıkes, aýyl sharýashylyǵy jerleri birinshi kezekte jeke jáne zańdy tulǵalarǵa jekemenshik quqyǵymen jer ýchaskesiniń kadastrlyq (baǵalaý) qunyn arttyrýdy kózdeıtin aýktsıon arqyly beriledi.

Sonymen qatar jalǵa berilgen jerlerdi satyp alý boıynsha jeńildikti jaǵdaılar jasalyp otyr.