Aýyl sharýashylyǵy tehnıkasy baǵasynyń qymbattaýyna ýtılalymnyń qatysy joq – vıtse-mınıstr
«Aýyl sharýashylyǵy óndirisimen aınalysatyn áriptesterimiz, osy saladaǵy mamandar aýyl sharýashylyǵy tehnıkasy qunynyń ýtılalym kesirinen qymbattap bara jatqany týraly birneshe ret másele kóterdi. Bul da shyndyqqa jatpaıdy. Eń aldymen statıstıkaǵa júgineıik. Byltyr elimizde qansha traktor, kombaın satylǵan bolsa, sonyń 89 paıyzy otandyq óndiriske tıesili. ıAǵnı, aýyl sharýashylyǵyna qajetti traktor men kombaın satyp alǵan kásipkerlerdiń 89 paıyzy kádege jaratý alymyn tólemedi. Bul resmı derek, resmı statıstıka», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, sheteldik tehnıkany shyǵaratyn sheteldik kompanııanyń óndiris oshaǵy Qazaqstanda ornalassa, onda qurastyrylǵan tehnıkalardan ýtılalym alynbaıdy.
«Aýyl sharýashylyǵynda Belarýstyń MTZ traktoryna suranys óte joǵary. MTZ bizge kelip zaýytyn ashty. Tipti ári qaraı lokalızatsııaǵa baryp, kabınasyn ózimizde tolyǵymen shyǵaryp, Belarýsqa eksportqa jiberemiz. Belarýsta kabınasy shyǵarylmaıdy. Sonymen qatar Lovol, Kırevets, YTO traktorlaryna suranys bar. ıAǵnı, halyqtyń suranysyna ıe aýyl sharýashylyǵy tehnıkasynyń bári ózimizde qurastyrylady. Osy tehnıkalardy satyp alý barysynda eshqandaı ýtılalym tólenbeıdi», - dedi Marat Qarabaev.