Aýyl sharýashylyǵy salasynda 500 veterınar tapshy - mınıstrlik

ASTANA. QazAqparat – Veterınarııalyq baqylaý jáne qadaǵalaý komıtetiniń tóraǵasy Asqar Jaqypbaev eldegi veterınarlar tapshylyǵy qalaı sheshilip jatqanyn aıtty, dep habarlaıdy QazAqparat tilshisi.

«Qazirgi tańda respýblıka boıynsha jergilikti ákimdikterde ekpe jumystaryn isteıtin 15 myń veterınar bar. Olardyń 500 shtattyq oryny bos tur, áli kisi alynbaǵan. ıAǵnı, qazirgi tańda tapshylyq 500 adam deńgeıinde», - dedi ol Aýyl sharýashylyǵy mınıstrliginiń keńeıtilgen alqa májilisinen keıin.

Sondaı-aq, komıtet basshysy byltyr veterınalardyń aılyǵyn kóterý úshin Úkimet rezervinen de aqsha bólingenin aıtty.

«Veterınarlardyń tapshylyǵy bizde joq emes, bar. Búgingi tańda aýyl sharýashylyǵy salasynda eń tómengi eńbekaqyny osy veterınarlar alady. Búkil respýblıka bıýdjetinen, Úkimettiń rezervinen ekpe jumystaryn júrgizý asynda 6,1 mlrd aqsha bólingen. Odan basqa jergilikti ákimdikter de aqsha bólgen, sonyń arqasynda eńbekaqylary 50 paıyzǵa deıin kóterildi. Bıyl 35-ten 50 paıyzǵa deıin kóterý josparda bar», - dedi Asqar Jaqypbaev.

Eske salsaq, buǵan deıin vıtse-mınıstr Ábilhaıyr Tamabek bıyl veterınalardyń aılyǵy ishinara ósetinin aıtqan.

Foto: vozdocampo.pt