Aýyl sharýashylyǵy ónim óndirýshileriniń nesıeleri uzartylyp jatyr

ASTANA. 30 qazan. QazAqparat - «QazAgro» holdıngi aýyl sharýashylyǵy ónim óndirýshileriniń nesıelerin uzartý jumystaryn júrgizip jatyr. Bul týraly búgingi baspasóz máslıhatynda «QazAgronyń» ınvestıtsııalyq jobalar departamentiniń dırektory Narmuhan Sarybaev málim etti.

Onyń habarlaýynsha, osy ýaqytqa qurǵaqshylyqtan zardap shekken sharýalardyń tarapynan kóktemgi egistik jumystaryna alǵan nesıelerdi uzartý boıynsha 182 ótinish túsken. «Onyń jalpy sommasy 2,74 mlrd. teńgeni qurap otyr. Qazirgi kezde 464 mln. teńgeniń 51 ótinishi maquldanyp, 50 nesıeniń (459 mln. teńge) merzimi uzartyldy. Kompanııanyń qaraýynda taǵy 131 aryz jatyr. Olardyń jalpy sommasy - 2,3 mlrd. teńge», - deıdi N.Sarybaev.

Departament dırektory atap kórsetkendeı, barlyq ótinishter qarashanyń 10-na deıin qabyldanady. Aýyl sharýashylyǵy ónim óndirýshileriniń nesıeleri kelesi jylǵy qarashanyń 20-syna deıin uzartylmaq.