Aýyl sharýashylyǵy mınıstrligi jer reformasy jónindegi komıssııa qurady

NUR-SULTAN. QazAqparat – Úkimet basshysy Asqar Mamın Aýyl sharýashylyǵy mınıstrligi jer reformasy jónindegi komıssııa qurý týraly sheshim jobasyn engizýdi tapsyrdy, dep habarlaıdy QazAqparat tilshisi.

«Komıssııa jer resýrstaryn odan ary paıdalaný boıynsha naqty usynystardy daıyndaýy qajet», - dedi Asqar Mamın Úkimet otyrysynda.

Premer-Mınıstr sondaı-aq birinshi vıtse-premer Álıhan Smaıylovqa memlekettik organdar jáne ulttyq holdıngtarmen birlesip, Qyzylorda oblysynyń áleýmettik-ekonomıkalyq damýynyń ózekti máselelerin pysyqtap, eki aptanyń ishinde sheshim jobasyn engizýdi júktedi.

«Sondaı-aq ákimdikter men Eńbek jáne halyqty áleýmettik qoldaý mınıstrligine birlesip, «Jumyspen qamtý» baǵdarlamasyn tıimdi iske asyrýdy qamtamasyz etip, turaqty jumys oryndaryn sanyn ulǵaıtýdy tapsyramyn», - dedi ol.