Aýyl sharýashylyǵy mınıstrligi ıslamdyq qarjylandyrý múmkindikterine qyzyǵýshylyq tanytýda

ASTANA. QazAqparat - Búgin Astanada ótken semınarda aýyl sharýashylyǵyn qoldaýdyń ıslamdyq qarjy quraldarynyń múmkindikteri talqylandy, dep habarlaıdy QazAqparat.

Kezdesýdi Qazaqstannyń Syrtqy ister mınıstrligimen birlesip azyq-túlik qaýipsizdigi jónindegi Islam uıymy (IOFS) uıymdastyrdy. Qatysýshylar sýkýkty salaǵa ınvestıtsııalaýda qoldaný máselesin qarastyrdy.

Óz sózinde Aýyl sharýashylyǵy mınıstri Erbol Qarashókeev ıslamdyq qarjylyq qatynastarǵa qyzyǵýshylyqtyń artyp kele jatqan qazirgi úrdisine toqtaldy, ári ol tek musylman elderinde ǵana emes ekenin aıtty.

Onyń sózinshe, Qazaqstan úshin osy perspektıvaly naryqqa shyǵý eldiń aýyl sharýashylyǵy salasyna qarjy aǵyndaryn keńeıtý úshin qosymsha múmkindikter ashady.

AShM basshysynyń pikirinshe, Qazaqstanda ıslamdyq qarjy quraldaryn zerdeleý jáne tájirıbede qoldaný boıynsha múmkindikterdi jandandyrý qajet, olardyń ishinde sýkýk kapıtal tartý men ınvestıtsııalyq qyzmetti qarjylandyrýdyń asa mańyzdy quraldarynyń biri bolyp tabylady.

Aıta keteıik,jaqyn arada AÓK negizgi kapıtalyna ınvestıtsııalar kóleminiń ósýi 4 ese, ıaǵnı 3,2 trln teńgege deıin artýy múmkin. Osy maqsattarǵa qol jetkizýde otandyq jeke sektordyń áleýetin ashý úshin tikeleı sheteldik ınvestıtsııalar mańyzdy ról atqarady.

AShM óz tarapynan IOFS-tiń barlyq mańyzdy bastamalaryna qoldaý kórsetýge daıyn ekenin qosyp ótti mınıstr.