Aýyl sharýashylyǵy kooperatsııasyna 1 trln teńge bólinedi
«Agroónerkásip keshenin damytýdyń ulttyq jobasyndaǵy josparlar oryndalmaı jatyr. Mysaly, aýyl sharýashylyǵy ónimin óńdeýge qatysty 65 jobany júzege asyrý josparlanǵan. Іs júzinde onyń 31-i ǵana iske qosyldy. Sol sııaqty 7 qus fabrıkasynyń ornyna 3 fabrıka salyndy. Balyq óndiretin 11 jobanyń jeteýi ǵana paıdalanýǵa berildi», - dedi Meleket basshysy.
Prezıdenttiń paıymynsha, elimizdi negizgi azyq-túlikpen tolyq qamtamasyz etý úshin Úkimet josparlanǵan barlyq jobalardy júzege asyrýǵa mindetti.
«Kelesi jyly aýyl sharýashylyǵy kooperatsııasyn damytý jónindegi aýqymdy jobany bastaımyz. Oǵan 1 trıllıon teńge bólinedi. Bul joba 1 mıllıon aýyl turǵynyn qamtıdy», - dedi Qasym-Jomart Toqaev.
Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.