Aýyl poshtalarynda «tsıfrlyq buryshtar» paıda bolady

NUR-SULTAN. QazAqparat – QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsınniń aıtýynsha, aýyl poshtalarynda «tsıfrlyq buryshtar» paıda bolady, dep habarlaıdy QazAqparat tilshisi.

Bul týraly Baǵdat Mýsın Májilistiń jalpy otyrysynda tsırlandyrýǵa qatysty zań jobasyn tanystyrý kezinde aıtty.

«Turǵylyqty jerine qaramastan, ár azamat úshin tsıfrlyq servıster men qyzmetter qoljetimdi bolýy tıis. Bul úshin zań jobasynda ulttyq poshta operatorynyń poshta jelisi negizinde aýyldyq eldi mekenderde memlekettik qyzmetterge qoljetimdiliktiń tsıfrlyq núktelerin qurý usynylady», - dedi mınıstr.

Aıtýynsha, atalǵan tsıfrlandyrý núktesi poshta baılanysy bólimshesiniń qyzmetkeri qyzmet kórsetetin, ınternetke qoljetimdiligi bar kompıýterlik jáne uıymdastyrý tehnıkasymen jabdyqtalǵan oryn bolady.

«Qazposhtanyń eki myńǵa jýyq aýyldyq bólimshelerinde tsıfrlyq qoljetimdilik núktelerin ashý josparlanýda. Osy elektrondyq buryshtarda halyq qyzmetter alyp, memlekettik organdarǵa elektrondyq ótinishter joldaı alady», - dedi vedomstvo basshysy.

Aıta keteıik búgingi Májilistiń jalpy otyrysynda Aıdos Sarym Májilistiń Halyqaralyq ister, qorǵanys jáne qaýipsizdik komıtetine aýysty.