«Aýyl» partııasynyń úgit toby Óskemendegi kompanııa ujymymen kezdesip, Abaı kesenesine bardy

NUR-SULTAN. QazAqparat – QR Parlament Májilisi depýtattyǵyna kandıdat Rábıǵa Toseıitova men Shyǵys Qazaqstan oblysynyń máslıhatyna úmitker Farıd Ábitaev bastaǵan «Aýyl» partııasynyń úgit toby Óskemendegi «Astana-Bıznes» JShS ujymymen kezdesý ótkizip, Abaı kesenesine bardy, dep habarlaıdy QazAqparat.

Kezdesý barysynda Rábıǵa Toqseıitova men Farıd Ábitaev «Aýyl» partııasynyń saılaýaldy baǵdarlamasy týraly egjeı-tegjeıli aıtyp, azyq-túlik qaýipsizdigi týraly zań jobasyna erekshe toqtaldy.

Azyq-túlik qaýipsizdigi týraly zań jobasyn qabyldaý aýyl sharýashylyǵy ónimderiniń eksportyn damytýdy belsendi yntalandyrýdy jáne ataýly topqa ataýly qoldaý kórsetýdi kózdeıdi.

F.Ábitaev óz sózinde statıstıkadan keıbir sandardy keltirdi. Qazaqstanda eksporttyń jalpy kórsetkishi tómendedi. Osyndaı tómendeý aıasynda AÓK ónimderiniń eksporty 1,8 mlrd – tan 3,2 mlrd AQSh dollaryna deıin (nemese eksporttyń jalpy qurylymyndaǵy úlestiń 5,65%) turaqty ósýin kórsetip otyr. Mundaı salystyrý aýyl sharýashylyǵy ónimi álemdik naryqta árdaıym suranysqa ıe bolatynyn jáne óziniń AÓK eksporttyq áleýetin damytý jaǵdaıynda Qazaqstan aıqyn jol asha alatynyn aıqyn kórsetedi.

Sonymen qatar, aýyl sharýashylyǵy ónimderi eksporty kóleminiń ósýine qaramastan AÓK salasy qyzmetkerleriniń ortasha aılyq jalaqysynyń deńgeıi óte tómen bolyp qalýda – 301,4 AQSh dollary. 2010-2019 jyldary bul kórsetkish Qazaqstan Respýblıkasy boıynsha ortasha aılyq jalaqymen salystyrǵanda 38,2-53,0% - ǵa tómen.

Agrarlyq saladaǵy álemniń jetekshi elderinde AÓK ónimderiniń úlesiniń jalpy kólemi 20-dan 40% - ǵa deıin eksporttalady, al bizde bul kórsetkish 6% - dan az. Aýyl sharýashylyǵy kásiporyndary men turaqty eksportpen aınalysatyndar arasyndaǵy eńbekaqy deńgeıi sońǵylarynyń 17% - ǵa joǵary tóleıtinin kórsetedi.

«Astana-Bıznes» JShS-men kezdesýden keıin úgit-nasıhat toby Abaı kesenesine bardy.

Rábıǵa Toqseıitova Abaı halyq birligi ıdeıasynyń belsendi jaqtaýshysy bolǵanyn atap ótti.

«Onyń shyǵarmalary elimizdiń ǵana emes, álemniń mádenı murasynyń damýyna úlken úles qosady. Abaı Qunanbaıuly árqashan ultty biriktirýge jáne ádil qoǵam qurýǵa shaqyrdy», - dep túıindedi R.Toqseıitova.

Sondaı-aq, búgin QR Parlamenti Májilisiniń depýtattyǵyna kandıdattar T. Raqymbekov, Z. Álipbek Bas redaktorlar klýbynyń múshelerimen onlaın-rejımde kezdesý ótkizdi. Kezdesýde aýyldyq aýmaqtardy damytý máselelerin BAQ-ta jarııalaý máseleleri talqylandy.

Qostanaı oblysynda oblystyq máslıhat depýtattyǵyna kandıdattar AÓK salasyndaǵy jetekshi kásipkerlermen onlaın kezdesý ótkizip, olarǵa partııanyń saılaýaldy baǵdarlamasyn tanystyrdy.

Aqmola oblysynda oblystyq jáne aýdandyq máslıhattar depýtattyǵyna úmitkerler «Kaz Tech Selmash» JShS jumys ujymymen kezdesti.