«Aýyl» partııasynyń saılaýaldy shtabynda jıyn ótti

NUR-SULTAN. QazAqparat - Búgin «Aýyl» xalyqtyq-demokratııalyq patrıottyq partııasynyń saılaýaldy shtabynda jıyn ótti. Onda prezıdenttikke kandıdat Tóleýtaı Raqymbekov óziniń saılaýaldy tuǵyrnamasyn tanystyrdy, dep habarlaıdy QazAqparat tilshisi.

Aıta keteıik, «Aýyl» halyqtyq-demokratııalyq patrıottyq partııasy usynǵan kandıdat Tóleýtaı Sataıuly Raqymbekovtyń shtaby 11 mamyrdan jumys isteı bastady. Respýblıkalyq qoǵamdyq shtabtan bólek, 17 aımaqta 17 óńirlik shtab qurylǵan.

Shtabta saılaýaldy tuǵyrnamamen tanystyrǵan Tóleýtaı Raqymbekov onyń negizgi baǵyttaryna toqtaldy. Qujatta negizgi másele agroóndiristik keshendi qarqyndy damytýǵa arnalyp, ekonomıkanyń ózge de baǵyttarynyń ósýine nazar aýdarylady. Sonymen qatar, saılaý tuǵyrnamasynda áleýmettik saıasat máselesi de qamtylyp otyr. Baǵdarlamanyń úshinshi bólimi - el damýynyń senimdi negizi sanalatyn dástúrli jáne rýhanı qundylyqtardy saqtaýǵa arnalsa, tórtinshi bólimi jastar saıasatyna baǵyttalǵan.

«Aýyl jastary arasyndaǵy jumyssyzdyqty aqparattyq-konsýltatsııalyq qoldaý kórsetý jáne aýyl úshin naqty ózekti daǵdylarǵa oqytý arqyly jeńýdi, sondaı-aq aýyl jastary úshin arnaıy jumys oryndarynyń bankin qurýdy, aýyl jastaryn áleýmettik turǵyn úı qurylysynyń aýqymyn ulǵaıtý jolymen turǵyn úımen qamtamasyz etýdi usynamyn. Aýyl jastary qalaǵa ketpeýi úshin bar jaǵdaı jasalýy tıis», - deıdi kandıdat T.Raqymbekov.

Shtabta ótken jıyn barysynda «Aýyl» partııasynyń jańa músheleri de tanystyryldy.