«Aýyl» partııasynyń respýblıkalyq qoǵamdyq shtabynyń otyrysy ótti

ASTANA. QazAqparat - Búgin «Aýyl» halyqtyq-demokratııalyq patrıottyq partııasy Qazaqstan Respýblıkasynyń Prezıdenttigine kandıdat Jıgýlı Daırabaevty qoldaýdy júzege asyratyn respýblıkalyq qoǵamdyq shtabtyń otyrysyn ótkizdi, dep habarlaıdy QazAqparat.

Shtabta saılaý kúni tartylatyn senimdi ókilder men baıqaýshylardy daıyndaý boıynsha jumys júrgizildi.

Búginge deıin Jıgýlı Daırabaev bastaǵan úgit-nasıhat toby Jambyl, Túrkistan, Qyzylorda, Aqtóbe, Aqmola jáne Qaraǵandy oblystarynda saılaýshylarmen kezdesti. Úmitker agroónerkásiptiń óndiris oshaqtaryn aralap, olardyń qyzmetimen tanysty, eńbek ujymdarynyń tilegin tyńdady.

Sonymen qatar, ol ár oblys turǵyndarymen kezdesip, óziniń saılaýaldy baǵdarlamasynyń negizgi baǵyttarymen tanystyrdy, sondaı-aq saılaýshylardyń suraqtaryna jaýap berdi.