«Aýyl» partııasynyń ókilderi Túrkistan oblysynda sharýa qojalyǵynyń jumysymen tanysty
Asyl tuqymdy qoı tuqymyn ósirýmen aınalysatyn sharýashylyqta 7 myńnan astam mal basy bar. Mundaǵy qoıdyń «Ordabasy» atty asyl tuqymdy túri jersindirilip, qorasyn tórt túlikke toltyrǵan sharýalar bul jetistikke bir kúnde jetpegendigin aıtady. Sapar barysynda aýyl sharýashylyǵy salasynyń ǵalym mamandary sharýashylyq ıelerine kásibı keńes berdi. Mal tóldetý naýqanynyń qoı tuqymynyń erekshelikterine saı júrgizilýi boıynsha baǵyt-baǵdaryn usyndy.
«Aýyl» partııasynyń úlken bir mal sharýashylyǵyna, mal basyn kóbeıtýde jáne tirideı salmaqtaryn joǵarylatý jaǵynda qyzmet atqaryp jatyr. Qazirgi tańda barlyq sharýashylyqtardyń mal túrlerine qaramaı, sýbsıdııa bólýde úlken jetistikke jetti dep oılaımyn ári esepteımin»,- deıdi «Aýyl» HDPP belsendisi ári aýyl sharýashylyǵy ǵylymynyń doktory Jánibek Pirjanov.
«Aýyldyqtar» elimizdiń damýyna úles qosyp júrgen shalǵaıdaǵy qarapaıym aýyl turǵyndary men eńbek adamdaryn dáripteýdiń, olarǵa konsýltatıvtik kómek kórsetýdiń mańyzdylyǵyn túsindirdi. «Eńbek adamy - El tiregi» atty saıası bastamanyń negizgi maqsaty - eńbek adamdarynyń mártebesin kóterý, aýyldaǵy mamandyqtardyń bedelin arttyrý bolmaq. Sondaı-aq, el ekonomıkasynyń tiregi bolǵan jumysshy adamdarǵa pozıtıvti kózqaras qalyptastyryp, olardy ulyqtaý jáne partııanyń múmkindikteri sheńberinde aýyl eńbekkerlerine kómek qolyn sozý bolyp tabylady. Partııalyqtardyń pikirinshe, jer emip, egin baptap, mal baqqan eńbekkerler bizdiń elde eń syıly,úlgili, jáne tanymal bolýy tıis. Eńbek adamy qoǵamdaǵy barlyq múmkindikterge qol jetkizip, qurmetke, joǵarǵy eńbekaqy men áleýmettik kómekke, marapatqa laıyq bolýy kerek dep biledi.