«Aýyl» partııasynan QR Parlament Májilisiniń depýtattyǵyna úmitkerler kýálik aldy

NUR-SULTAN. QazAqparat - Búgin «Aýyl» halyqtyq-demokratııalyq patrıottyq partııasynyń tóraǵasy Álı Bektaev partııanyń jumys sezi kezinde partııalyq tizimge engizilgen Qazaqstan Respýblıkasy Parlamenti Májilisiniń depýtattyǵyna kandıdattarǵa saltanatty túrde kýálik tabystady, dep habarlaıdy QazAqparat tilshisi.

«Partııanyń XVIII sezinde bizdiń partııanyń 19 múshesi Qazaqstan Respýblıkasy Parlamenti Májilisiniń saılaýyna qatysady. Olar partııalyq tizimge engizildi. Búgin Ortalyq saılaý komıssııasy olardy tolyǵymen tirkedi», - deıdi «Aýyl» halyqtyq-demokratııalyq patrıottyq partııasynyń tóraǵasy Álı Bektaev.

Partııa músheleri Qaırat Aıtýǵanov, Qarlyǵash Aralbekova, Nıkolaı Arsýtın, Zeıin Álipbek, Nurjigit Begaly, Talǵat Zeınýllın, Dáýletkereı Karıpov, Áıgerim Kókeeva, Dáýret Qýatov, Bolatbek Qystaý, Kenjeǵalı Mashyryqov, Almas Muhammedov, Tóleýtaı Rahymbekov, Aıdar Sattarov, Nazımhan Satybaldy, Qanat Táshimbekov, Rabıǵa Toqseıitova, Bahargúl Tólegen jáne taǵy basqalary kýálk aldy.

Álı Bektaevtyń aıtýynsha, aldyda úlken saılaýaldy mindetter tur.

«Saılaýǵa qatysý boıynsha kóp jumys atqarýymyz kerek. Búgingi semınar partııamyz ótkizip júrgen eń jemisti sharalardyń biri», - deıdi ol.