«Aýyl» partııasynan depýtattyqqa kandıdattar Jambyl oblysy jastarymen kezdesti
14:49, 18 Jeltoqsan 2020
TARAZ. QazAqparat – Búgin, 18 jeltoqsanda Taraz qalasynda «Aýyl» partııasynan depýtattyqqa usynylǵan kandıdattar Jambyl oblysynda jastarmen kezdesti, dep habarlaıdy QazAqparat atalmysh saıası uıymnyń baspasóz qyzmetine silteme jasap.
Іs-sharaǵa Parlament Májilisiniń depýtattyǵyna kandıdattar Qarlyǵash Aralbekova men Nurjigit Begaly qatysty.
Partııanyń saılaýaldy baǵdarlamasynda jastar máselesi de kóterilgen. Máselen, jas otbasylarǵa turǵyn úı alýǵa jáne turǵyn úı jaǵdaıyn jaqsartýǵa, al aýylǵa kóship barǵandarǵa turǵyn úı alýǵa, úı sharýashylyǵyn qalyptastyrýǵa jáne aýylda bıznes ashýǵa paıyzsyz nesıe berý jaıy qarastyrylyp otyr.
Kezdesý sońynda jastar óz saýaldaryn qoıyp, jan-jaqty jaýap almasty.