«Aýyl» partııasy óz úmitkerin qoldaý maqsatynda fotokórme ótkizdi

NUR-SULTAN. QazAqparat - Elordada prezıdenttikke kandıdat Tóleýtaı Raqymbekovty qoldaý maqsatynda fotokórme uıymdastyryldy, dep habarlaıdy QazAqparat «Aýyl» partııasynyń baspasóz qyzmetine silteme jasap.

Elorda tórinde shalǵaıdaǵy eldimeken turmysynan syr shertetin sýretter qoıylyp, qala turǵyndarynyń jaqynyraq tanysýyna múmkindik jasaldy. Kópshilik nazaryna usynylǵan týyndylarda aýyldyń qazirgi turmys-tirshiligi, bet-beınesi jáne áleýmettik máseleleri kórinis tapqan. Shara aıasynda kandıdattyń saılaýaldy baǵdarlamasy da tanystyryldy.

«Bul fotosýretterden aýyl tirlishigin jan-jaqty kórýge bolady. Bári bar. Aýyldaǵy tirlik. Balalardyń ómiri. Úlkender men jastar arasyndaǵy qarym-qatynas. Keıbir áleýmettik máseleler. Árıne, osy fotosýretterdiń negizgi jıynynda, negizgi mazmunynda bizdiń kandıdatymyzdyń baǵdarlamalalyq maqsattyrymen úlken sáıkestik, úlken úılesim bar - deıdi «Aýyl» HDPP Ortalyq Apparatynyń jetekshisi Qýanysh Seıtjanov.

Elordadaǵy kórmege respýblıkalyq jarysta úzdik atanǵan týyndylar qoıyldy. ıAǵnı, osy maqsatta birer aı buryn «Aýyl» partııasy arnaıy baıqaý jarııalap, oǵan elimizdiń barlyq aımaǵynan 300-den asa fotosýret kelip túsken edi. Aralarynan eń údik dep tanylǵandary endi kópshilik nazaryna usynylyp otyr. Prezıdenttikke úmitker Tóleýtaı Raqymbekovtyń saılaýaldy baǵdarlamasy osyndaı aýyldardaǵy turmysty jaqsartyp, áleýetin arttyrýǵa baǵyttalǵan.

Buǵan qosa, shalǵaı jatqan eldimekenderdegi rýhanı qundylyqtardy saqtaý, ulttyq dástúrdi dáripteý jáne jastarmen júıeli jumystaný sııaqty máselelerdi de qamtıdy. Kandıdattyń ózi saılaýaldy baǵdarlamasyn jaqyn kúnderi óńirlerge jasaıtyn saparynda keńinen tanystyrmaq.