«Aýyl» partııasy Májilistegi depýtattar tizimin jarııalady

ASTANA. QazAqparat – «Aýyl» halyqtyq-demokratııalyq patrıottyq partııasy Májilistegi depýtattarynyń tizimin jarııalady, dep habarlaıdy QazAqparat tilshisi.

«2023 jylǵy 27 naýryzda «Aýyl» halyqtyq-demokratııalyq patrıottyq partııasy Saıası keńesiniń Prezıdıým otyrysy ótti. Partııanyń Jarǵysyna sáıkes jıynda 2023 jylǵy 19 narýyzda ótken Qazaqstan Respýblıkasy Parlament Májilisi depýtattarynyń saılaýy nátıjesinde alǵan 8 depýtattyq mandat ıeleri anyqtalyp, bekitildi», - dep jazylǵan partııanyń baspasóz málimetinde.

Sonymen «Aýyl» partııasynyń atynan Májiliske engen depýttardyń tizimi mynandaı:

Daırabaev Jıgýlı Moldaqalyquly – partııa múshesi, «Aýyl» HDPP tóraǵa orynbasary, Qazaqstan fermerleri qaýymdastyǵynyń basqarma tóraǵasy;

Egizbaev Serik Rahmetollauly – partııa múshesi, aýyl sharýashylyǵy, aqparat jáne qoǵamdyq damý eks vıtse-mınıstri;

Abden Qaraqat Jaqsylyqqyzy – partııa múshesi, «Qazaq qyzy» QB prezıdenti (áıelder kvotasyna sáıkes);

Baqqojaev Anas Ahatuly – partııa múshesi, «Aýyl» HDPP tóraǵa orynbasary;

Saýryqov Erbolat Baıuzaquly – partııa múshesi, «Aýyl» HDPP Jambyl oblysyndaǵy óńirlik fılıalynyń tóraǵasy, Sh.Murtaza at. Taraz halyqaralyq ınnovatsııa ınstıtýtynyń prezıdenti;

Arsıýtın Nıkolaı Gennadevıch – partııa múshesi, «Aýyl» HDPP tóraǵasynyń orynbasary;

Zeınýllın Aıan Talǵatuly – partııa múshesi, «SPK Astana» ÓK óndiris boıynsha dırektory (jastar kvotasyna sáıkes);

Serikov Tańsaýle Ǵabdymanapuly – partııa múshesi, S.Seıfýllın at. QazATÝ oqytýshysy (ınklıýzıvti qoǵam músheleriniń kvotasyna sáıkes).

Eske salsaq, Ortalyq saılaý komıssııasy jarııalaǵan túpkilikti qorytyndy boıynsha, «Aýyl» partııasyna Májilis minberinen 8 mandat berilgen bolatyn.